ابشركم جااااااااااااني خطيب

هااي كيفكم

بما اني فاضيه وطاقني ام الملل
وبموت طفش وماطلعت اليوم
قررت اني بكتب لكم عن حدث بطل صار يوم الاربعاء ظهرآ بالتحديد

اول مارجعت من الجامعه وانا تعبانه ومرهقه <<مع العلم انها ماعندها ولا كلاس ولا سوت شي غير انها تقهوت وافطرت ورجعت


المهم يوم دخلت البيت


والاقي امي وجدتي متقابلين ويسولفون قلت بس تحررت فلسطين يعني مايجتعموا الله يحفظهم الا على شي مهم


ودخلت وسلمت وش اسمه ذا وقلت وين الغداء<<اهم الاحداث

وقلت وووووووووش بكم<<موب تبي تموت من القافه ودها من يوم انها عند الباب تدري وش السالفه


قالت امي جاينا خطيب

وش يبي يعني<<لاحظوا اني مره مافرحت ولا من قوت الطمره وصلت لطياره رايحه لندوسيا ولا شي


المهم قلت لامي شلون يعني وش جابه وكم طول وزنه وش يشغل واسمه وكم عمره وين شتغل<<ابد مادخلت بعين امها ولاشي

بعد ماصكتني امي بكوب كان جنبها

قالت لي

فيه حرمه دقت علينا اليوم وردت عليها جدتك وقالت انها جايه تخطب من بناتها قالت جدتي والله ياحبيتي بناتي خلصوا<<الله يهديها طول عمري اقولها انا بنت بس ماش
عاد الحرمه الطبيه الحبوبه الي احبها<<من اولها
انا قالت لابنت بنتك

وانا افررررررح

بس تراني مابينت لهم<<ايه هين

وقالت تبي تجي اليوم العصر

وانا انتح؟
ذي ماعندها ذوق ابد يوم اربعاء يعني ناس مداومه وش تبي ولا بعد العصر مين فاضي لامها قالت لامي تراني هونت ماجازت لي ذي تجي العصر وش تبي<<اووص بس

وتسفهني امي وترجع تكلم جدتي منهي تهقين يامه

وانا اطيح وشووووووو ماقالت مين هي؟

قالت امي لا قالت تبي تجي وبس؟
وانا اتنح يلعن ام الاحراج يعني تجي تذب وجهها ويمكن نقول لا كان قالت بالفون واذا جازت لنا و نقول لها ولافرصه ثانيه<<مسابقات موب بنت

وتجلس امي وجدتي يناقشون منهي ويخمنون وجدتي تعطي كل الاحتمالات الي عندها
وصوتها تحس يشبه صوت مين وحالته لله انا ماظن انه علشاني قد ماانه فااضين بقووه

عاد امي سمله عليها ماقصرت عطتنا عوائل القصيم كلها وماجاورها يقال له احتمالات ماخلت احد

عاد انا اكلت ودخت طلعت بنام

وتركتهم

نمت ولما صحيت
اول مافتحت عيني دقيت على امي قلت منهي منهي؟
طبعا امي امي عرفت وش قصدي قالت انزلي وانا اقولك

نزلت لهم واقول مين؟
تقول امي تقهوي

وتقهويت وانا اقول مين ؟
وتقول شوفي وانا امك البنت لازم تفكر موب كل يوم تجيها فرصه كذا
انا قلت فرصه؟
اجل موافقه

قالت خلاص اجل بقولهم بس استخيري
وانا ابد افكر
ويضيق صدري اوجس اني خفت

فجاه فقعت امي ضحك

وانا اتنح؟ خير وش بها ياحياتي لهدرجه فرحانه؟
قلت وشو وش بك؟

قالت تدرين طلعت مين الحرمه الي دقت
قلت مين صح؟

قالت خالتك ياحماره تبي تجي تتقهوى عندنا واستغربت ان امي <<جدتي يعني

ماعرفت صوتها قالت استهبل يوم دخلت وشافت صنايا الحلا واصله للحوش والبخور لسابع بيت بالحي

طلعت خالتي ياحبي لها جايه تسخف دمها مع اني وافقت<<المشكله خالتها ماعندها عيال ولا كان دبستها


* القصه واقعيه بس اني زودت شوي بردت فعل اهلي